پائی خیل (نامہ نگار)پائی خیل اورگردونواح میں موسلادھاربارش سے فصلیں تباہ ،بجلی اورٹریفک کانظام درہم برہم،مکان زمین بوس اوردرخت گرگئے ۔تفصیلات کے مطابق پائی خیل اورگردونواح میں ہونیوالی موسلادھاربارش سے گندم کی فصلیں تباہ ہوگئیں۔پہاڑی برساتی نالوں میں طغیانی آنے سے ٹریفک کانظام بھی درہم برہم اوربجلی کے کھمبے گرنے سے شہریوں کو بجلی کی سپلائی معطل ہوگئی۔لنٹل کی چھتیں ٹپکنے لگیں جبکہ کئی مکانات اوردیواریں زمین بوس اوردرخت گرگئے ۔جبکہ نکاسی آب کانظام نہ ہونے سے پانی جگہ جگہ کھڑاہوکرجوہڑوں کی شکل اختیارکرکے مچھروں کی افزائش گاہ بناہواہے۔ لوگوں نے باران رحمت کے رکنے کے لئے استغفار،اجتماعی نوافل،قرآنی خوانی اورصدقات وخیرات کااہتمام اوررب کے حضوراپنے گناہوں کی معافی کے لئے گڑگڑاکردعائیں مانگیں۔
