پائی خیل (نامہ نگار)پائی خیل اورگردونواح میں غیرقانونی اورڈمی تیل ایجنسیوں کے مالکان نے زائدنرخوں پرتیل کی فروخت جاری رکھ کراندھیرمچارکھی ہے ۔ تفصیلات کے مطابق پائی خیل اورگردونواح میں غیرقانونی ڈمی تیل ایجنسیوں کے مالکان نے زائدنرخوں پرپٹرول کی فروخت جاری رکھ کر اندھیرمچارکھی ہوئی ہے فی لیٹرپٹرول 90سے 100روپے جبکہ ایجنسی مالکان کے پاس نہ پیمانہ اورنہ ہی سیفٹی آلات ہیں اپنے خودساختہ پلاسٹک بوتلوں کے پیمانہ بناکراورپٹرول میں پانی ڈال کردن دیہاڑے بڑے دھڑلے سے شہریوں کو فروخت کرکے اپنی چاندی کھری کرنے میں مصروف ہیں ۔جن کوکوئی پوچھنے والانہیں جبکہ حکومتی احکامات ہوامیں اڑا دیے ہیں۔جس کی وجہ سے جگہ جگہ غیرقانونی ایجنسیوں پرجھگڑے روزکامعمول بن چکے ہیں۔علاوہ ازیں ٹرانسپورٹ مالکان نے کرایوں میں اضافہ کرکے مسافروں کودونوں ہاتھوں سے لوٹ رہے ہیں۔ عوامی وسماجی حلقوں نے ڈی سی اومیانوالی،ضلعی انتظامیہ اورارباب اختیارسے اصلاح واحوال کافی الفورمطالبہ کیاہے ۔
