پائی خیل: عمدۃ العارفین پیرسیدحاجی برہان شاہ ہمدانی آستانہ عالیہ دندہ شاہ بلاول کے عرس مبارک کی تقریبات اختتام پذیر
پائی خیل(حافظ کریم اللہ چشتی)عمدۃ العارفین پیرسیدحاجی برہان شاہ ہمدانی آستانہ عالیہ دندہ شاہ بلاول کے عرس مبارک کی تقریبات اختتام کوپہنچیں۔ تفصیلات کے مطابق عمدۃ العارفین پیرسیدحاجی برہان شاہ ہمدانی آستانہ عالیہ دندہ شاہ بلاول کے عرس مبارک کی تقریبات پیرطریقت پیرسیدعبدالماجدشاہ ہمدانی کی صدارت میں ختم ہوگئیں ۔جن میں سینکڑوں عقیدت مندوں کے علاوہ علماء کرام ومشائخ عظام کی کثیرتعدادنے شرکت کی ۔اس موقع پرعلامہ پیرسیدمنصورشاہ اویسی مہتمم جامعہ غوثیہ واحدیہ آف میانوالی نے خطاب کرتے ہوئے کہاکہ نبی کریمﷺکاحقیقی عشق ہی مومن کاسرمایہ ہے آپﷺکی محبت سے دلوں میں نورپیداہوتاہے کثرت سے درودشریف پڑھنے سے دکھوں سے نجات ملتی ہے اورروحانی درجات بلندہوتے ہیں ۔نفرتوں ،کدورتوں کے خاتمہ کے لئے ضروری ہے کہ محبت رسولﷺکے دیپ روشن کیے جائیں۔ اولیاء کرام نے تبلیغ اسلام میں اہم کرداراداکیابرصغیرپاک وہندمیں اسلام اولیاء کرام کی بدولت پھیلا۔ اولیاء کرام کی کاوشوں کی وجہ سے اسلام کوفروغ ملاپاکستان کے قیام میں اکابرین اہلسنت نے اہم کرداراداکیا۔ان عرس پاک کی محافل کے انعقاد کامقصدنئی نسل میں اولیاء کرام کے بارے میں شعورپیداکرناہوتاہے ۔برصغیرپاک وہندمیں اولیاء کرام نے جس اندازمیں اشاعت اسلام کی اسکی مثال نہیں ملتی لاکھوں غیرمسلموں نے اولیاء کرام کی تبلیغ سے متاثرہوکردین اسلام کی دولت حاصل کی ۔اولیاء کرام کاپیغام ہمیں اس بات کی تعلیم دیتاہے کہ ہم اسلام کی تبلیغ واشاعت میں کوئی دقیقہ فروغ ذاشت نہ اٹھائیں بلکہ اپنی صلاحیتیں اسلام کی سربلندی کے لئے صرف کریں ۔حکمران وقت دہشت گردی کے خاتمہ کے لئے اقدامات اٹھائیں تاکہ ملک پاکستان امن وسلامتی کاگہوارہ بن سکے۔انہوں نے کہاکہ درودوسلام پرپابندی ہم کسی صورت میں برداشت نہیں کریں گے ۔عرس پاک پیرسیدعبدالماجدشاہ ہمدانی پیرسیدعبدالواجدشاہ ہمدانی،پیرسیدعبدالواحدشاہ ہمدانی،پیرسیدعنصرشاہ ہمدانی کی صدارات ونگرانی میں منعقدہوا ۔اختتامی نشت میں قرآن خوانی،نعت خوانی، چادرپوشی،خطابات، کے بعدعالم اسلام اورملک پاکستان کی سلامتی کے لئے دعائے خیرکی گئی بعدمیں لنگربھی تقسیم کیاگیا۔
Leave a Reply