پائی خیل: سانحہ پشاورقابل مذمت اوردلدوزسانحہ ہے : مفتی محمدجنیدرضاخان قادری
پائی خیل: سانحہ پشاورقابل مذمت اوردلدوزسانحہ ہے ان خیالات کااظہارجماعت اہلسنت حنفی بریلوی کے معروف مذہبی راہنمامفتی محمدجنیدرضاخان قادری نے جامعہ انوارالحدیث حنفیہ غوثیہ نزدشیل پمپ میں جمعۃ المبارک کے اجتماع سے خطاب کرتے ہوئے انہوں نے کہاکہ سانحہ پشاورقابل مذمت اوردلدوزسانحہ ہے پھراس سے زیادہ مذمت کے لائق یہ بات ہے کہ اس تمام کاروائی کوعین اسلام اورسنت رسولؐ کے مطابق قراردے دیاگیااوران بدعقیدہ لوگوں نے بخاری شریف کاغلط حوالہ دیکردین اسلام پرایک دھبہ لگانے کی ناکام کوشش کی ہے۔پوری قوم اس سانحہ کے وقوع کے بعدغمزدہ ہے میری حکمرانوں سے اپیل ہے کہ خداراعیاشیاں چھوڑکرہوش کے ناخن لیں اورپوری قوم سے اپیل ہے کہ اپنے کرداراورتہذیب وتمدن کواسلامی تہذیب وتمدن میں ڈھالنے کی کوشش کریں ۔انہوں نے اپنے خطاب کے آخرمیں فرمایاکہ میں پوری جماعت اہلسنت بریلوی کی طرف سے میں تقاضاکرتاہوں کہ تمام دینی ودنیاوی تعلیمی اداروں کی سیکورٹی کویقینی بنائیں تاکہ آئندہ اس قسم کے دلدوزواقعات سے بچاجاسکے۔اس موقع پرشہداء کے درجات کی بلندی اورپسماندگان کے لئے صبروجمیل کی دعاکی گئی۔
Leave a Reply