پائی خیل (نامہ نگار)ممبرقومی اسمبلی حاجی عبیداللہ خان شادی خیل نے مقرب والہ (اتراء کلاں)میں دریائے سندھ میں ٹھوکروں کی افتتاحی تقریب سے خطاب کرتے ہوئے کہاکہ دریائے سندھ کے کناروں پرلاکھوں ایکٹراراضی میں سبزانقلاب برپاکریں گے الیکشن دورمیں کیے جانے والے وعدوں کوپایہ تکمیل تک پہنچانے کے لئے دن رات کوشاں ہیں ۔وزیراعظم نے جوہمارے مطالبات منطورکئے اس سے ہرسال کے بجٹ میں سالانہ ہمیں اربوں روپے کی ترقیاتی گرانٹیں مل رہی ہیں جس میں حلقہ بھرمیں روڈ ،گیس ،بجلی ،پینے کے صاف پانی کی فراہمی اورمیگاپروجیکٹ شامل ہیں۔میں عوام کے اعتمادپرپورااترنے کی بھرپورکوشش کررہاہوں۔بدقسمتی سے ضلع میانوالی کے ایک ایم این اے اورتین ایم پی ایزسازش کے طورپراسمبلی سے باہربیٹھے ہیں جوکہ عوام کے ساتھ سراسرزیادتی کے مترادف ہے۔میں ایک ایم این اے اورمیرابھائی ایم پی اے امانت اللہ خان شادی خیل قومی وصوبائی اسمبلی میں علاقہ کی محرومیاں کے ازالہ کے لئے بھرپورکوشاں ہیں۔ ان شاء اللہ آئندہ دریائے سندھ کے دونوں کناروں مشرقی اورمغربی کناروں پربنداورٹھوکروں کاسروے ہوچکاہے ۔اورآئندہ بجٹ میں وزیراعظم ،وزیراعلیٰ پنجاب سے گرانٹ لے کردم لیں گے ۔انہوں نے کہاکہ انفرادی اوراجتماعی کام کرنامیرافرض ہے اس موقع پرمیجرعصمت اللہ خان ،ملک محسن حسنین،ملک اللہ داداتراء ،محمدبشیراتراء نے خطاب کرتے ہوئے ممبرقومی اسمبلی حاجی عبیداللہ خان شادی کاشکریہ اداکیا۔افتتاحی تقریب میں علاقہ بھرکے سینکڑوں لوگوں نے شرکت کی ۔تلاوت قرآن پاک حافظ عبدالرحمان جبکہ سٹیج سیکرٹری کے فرائض مایہ نازادیب رانامحمدادریس نے احسن طریقہ سے سرانجام دیے ۔اختتام پرتختی کی نقاب کوشی کرکے باقاعدہ پرافتتاح کیاگیا۔
