پائی خیل: جماعت اہلسنت حنفی بریلوی سٹی پائی خیل کے زیراہتمام سالانہ عظیم الشان محفل میلادمصطفیﷺکاانعقاد
پائی خیل(نامہ نگار)جماعت اہلسنت حنفی بریلوی سٹی پائی خیل کے زیراہتمام سالانہ عظیم الشان محفل میلادمصطفیﷺکاانعقادکیاگیا جس میں پیرطریقت ،رہبرشریعت حضرت علامہ پیرسیدتوقیرالحسنین شاہ آستانہ عالیہ خواجہ آبادشریف نے شرکاء محفل سے خطاب کرتے ہوئے کہاکہ حضورﷺکاذکراصل میں خداکاذکرہے اطاعت مصطفیﷺاطاعت خداہے ۔اطاعت مصطفیﷺکرنیوالے دنیاوآخرت میں کامیابی وکامرانی حاصل کرتے ہیں ۔ عالمِ اسلام کی ترقی کارازقرآنِ پاک اورحضورﷺکے ارشادات پرعمل کرنے میں مضمرہیں ۔علامہ مفتی سلطان احمدقادری امیرجماعت اہلسنت سٹی پائی خیل نے خطاب کرتے ہوئے کہاقرآن پاک حضورﷺکی شا ن کوکھول کھول کربیا ن کرتاہے۔پوراقرآن آقاﷺکی شان سے بھراہواہے میلادمصطفیﷺکی محفل میں بھی حضورسراپانورشافع یوم النشورﷺکی ولادت مبارکہ ، آپﷺکے معجزات ،آپ ﷺکے اخلاق کریمہ ،فضائل ومناقب بیان کیے جاتے ہیں ۔ اللہ تعالیٰ اپنے فضل اوررحمت کے ملنے پرخوشی منانے کاحکم دیتاہے۔آقاﷺبھی اللہ پاک کی بہت بڑی نعمت ہیں۔اللہ تعالیٰ کی نعمتوں کویادکرنااور ان کاچرچاکرنااللہ پاک کے حکم کی بجاآوری ہے آقاﷺکی دنیامیں تشریف آوری اللہ تعالیٰ کی بہت عظیم نعمت ہے ۔محفل کے اختتام پر آخرمیں ملک وقوم کی سلامتی کے لئے دعاءِ خیرکی گئی ۔
Leave a Reply