پائی خیل (نامہ نگار)علامہ مولاناحافظ محمدعرفان چشتی نے جامع مسجدعطاء اللہ خان سٹی پائی خیل میں منعقدہ محفل پاک میں شرکاء محفل سے خطاب کرتے ہوئے کہاکہ جناب احمدمجتبیٰ محمدمصطفیﷺ کاذکرقرب الٰہی حاصل کرنے کابہترین ذریعہ ہے خالق کائنات نے آپﷺکوتمام جہانوں کے لئے باعث رحمت بناکربھیجاآپﷺوجہ تخلیق کائنات ہیں اورآپﷺہی کے ذکرسے یہ دنیاآبادہے حضورپاکﷺکاذکرایساافضل ترین ذکرہے جوخالق کائنات خوداپنے نورانی فرشتوں کے ساتھ ملکرفرماتاہے۔نبی کریمﷺکاحقیقی عشق ہی مومن کاسرمایہ ہے آپﷺکی محبت سے دلوں میں نورپیداہوتاہے کثرت سے درودشریف پڑھنے سے دکھوں سے نجات ملتی ہے اورروحانی درجات بلندہوتے ہیں ۔نفرتوں ،کدورتوں کے خاتمہ کے لئے ضروری ہے کہ محبت رسولﷺکے دیپ روشن کیے جائیں دنیامیں عزت اور کامیابی انہی لوگوں کونصیب ہوتی ہے جوخلق خداکی خدمت اوراس کو فائدہ پہنچاتے ہیں۔خلق خداکوفائدہ پہچانا، ان کے کام آناانسان کی حقیقی عظمت ہے۔درحقیقت وہی انسان عظمت پاتاہے جودوسروں کے کام آتاہے۔کیونکہ ہم ہرروزیہ مشاہدہ کرتے ہیں کہ دنیامیں جوشخص بھی آیاوہ اپنی عمرپوری کرکے دنیاسے چلا گیا۔لیکن وہ لوگ جوانسانوں کی خدمت کرگئے خلق خداکو فائدہ پہنچا گئے ان لوگوں کاذکرباقی رہتاہے اورلوگ ہمیشہ ان کواچھے نام سے یادرکھتے ہیں انسانوں میں سب سے بہترین شخص بھی وہی ہے جودوسروں کے لئے اچھاہواور دوسروں کو فائدہ پہنچائے مخلوق خداکے ساتھ بدسلوکی وایذا رسانی کرناحرام وگناہ کبیرہ اورجہنم میں لے جانے والاکام ہے جس شخص نے ایک مومن کی دنیاوی تکلیفوں میں سے ایک تکلیف کودورکیااللہ تعالیٰ قیامت کے دن اس کی تکلیفوں میں سے ایک تکلیف کودورکرے گا۔
