پائی خیل (نامہ نگار)پائی خیل تھل کی اکلوتی واٹرسپلائی سکیم نمبر3کی پائپ لائنیں غائب ،واٹرٹینکیاں خستہ حالی کاشکار،واٹرسپلائی چندمخصوص افرادکے لیے مختص ،درجنوں وانڈھاجات کے سینکڑوں افرادپینے کے صاف پانی کے حصول کے لئے دربدرہوگئے ۔تفصیلات کے مطابق پائی خیل تھل کی واحدواٹرسپلائی سکیم نمبر3 جوعلاقہ تھل کے درجنوں دیہاتوں دادامیاں محمدورالیؒ صاحب،وانڈھامصری خیل،وانڈھازمان خیل، وانڈھاملوخیل،وانڈھاسیدوخیل ،وانڈھاورالیاں والا،وانڈھاگلبازخان والااوردیگروانڈھاجات کے مکینوں کے لئے صاف پینے کے پانی کی فراہمی کے لئے وانڈھاجات میں واٹرٹینکیاں بنائی گئی تھیں جس سے لوگ باآسانی پینے کاصاف پانی بھرکراستعمال کرتے تھے ۔اب جبکہ طویل عرصہ سے ہزاروں فٹ آہنی پائپ لائنیں ملازمین کی ملی بھگت سے لوگوں نے اکھاڑکربیچ کھائیں اورجوبچی کچی تھیں وہ ٹوٹ پھوٹ کاشکارہوچکی ہیں واٹرٹینکیاں خستہ حالی کاشکارہوکرخودروجڑی بوٹیوں کی لپیٹ میں آگئی ہیں آج کے جدیددورمیں بھی دیہاتوں کے سینکڑوں افرادپینے کے صاف پانی کے حصول کے لئے ٹوبوں اورجوہڑوں جس میں ایک طرف جانورپانی پیتے ہیں اوردوسری طرف انسانوں کے استعمال کے لئے پانی بھراجاتاہے ستم درستم یہ ہے کہ واٹرسپلائی سکیم کوچندمخصوص افرادکے لئے چلایاجاتاہے جوکہ پینے کے پانی کے علاوہ اپنے باغیچے پال رہے ہیں ۔اورآج تک محکمہ پبلک ہیلتھ نے سب اچھاکی رپورٹ دے رکھی ہے ۔دیہاتوں کے مکینوں حاجی امیرعبداللہ خان ،حمیداللہ خان،مہرخان،دوست محمدخان،زرخان اوردیگرنے میڈیاسروے رپورٹ میں ڈی سی اومیانوالی اورمحکمہ پبلک ہیلتھ کے ارباب اختیارسے وانڈھاورالیاں والا،وانڈھاگلبازخان والااوردیگروانڈھاجات میں پینے کے صاف پانی کے حصول کے لئے پائپ لائنیں بچھانے اورخستہ حال ٹینکیوں کی تعمیرومرمت اورذمہ داراہلکاروں کے خلاف نوٹس لینے کامطالبہ کیاہے۔
