پائی خیل(نامہ نگار)امتحانی سنٹر سے بوٹی مافیا کا خاتمہ ہماری اولین ترجیح ہے میٹرک امتحان صاف و شفاف طریقے سے لینے کے ساتھ کسی بھی طلباء سے ناانصافی، زیادتی نہیں کی جارہی تمام طلباء سے مساوی سلوک کررہے ہیں کیونکہ بوٹی مافیا کے ذریعے کامیاب ہونیوالوں کا کوئی مستقبل نہیں ہوتا وہ ہمیشہ اندھیروں میں بھٹکتے رہتے ہیں ان خیالات کا اظہار میٹرک امتحان سالانہ سنٹر گورنمنٹ ہائی سکول پائی خیل میں پریس کلب پائی خیل کے چئیرمین احمدنوازخان نیازی پائی خیل اور موچھ کے صدر رحمت اللہ خان ہزارے خیل کی قیادت میں امتحانی سنٹر کا وزٹ کرنیوالے صحافیوں سے بات چیت کرتے ہوئے سپریٹنڈنٹ احمدحسن خان نیازی نے کیا ہے صحافیوں نے پورے سنٹر کے بیرونی ماحول کا جائزہ لینے کے بعد اندرونی ماحول کا بھی جائزہ لیا اور ریذیڈنٹ انسپکٹر محمد اقبال نیازی کے سیکورٹی و دیگر انتظامات کو تسلی بخش قرار دیتے ہوئے امتحانی عملے کی فرض شناسی اور کارکردگی کو بھی سراہا اور کہا کہ پائی خیل کا یہ امتحانی سنٹر محکمانہ قواعد و ضوابط کی روشنی میں چل رہا ہے اس موقع پر سینئر صحافی امان اللہ خان بجلی اورحافظ کریم اللہ چشتی بھی موجود تھے۔