پائی خیل (نامہ نگار)بنیادی مرکزصحت پائی خیل میں یونین کونسل پولیوریڈی کیشن کمیٹی کاایک اہم اجلاس ملک شکیل عباس سکول ہیلتھ اینڈنیوٹریشن سپروائزرکی زیرصدارت میں منعقدہواجس میں علاقہ بھرکے معززین مفتی مولاناسلطان احمدقادری ،حمیداللہ خان صدرپاکستان مسلم لیگ ن پائی خیل،مجیداللہ خان،عنایت اللہ ،شوکت اللہ خان،ملک ضیاء اللہ ،احمدنوازخان،جہان خان ،محمدحنیف خان ،فیاض حسین شاہ ،زاہدحسین سی ڈی سی سپروائزر،طاہراقبال خان میڈیکل ٹیکنیشن،عبدالستارڈسپنسر،خالقدادویکسینٹیرودیگرنے بھرپوراندازمیں شرکت کی ۔شرکائے اجلاس سے خطاب کرتے ہوئے ملک شکیل عباس نے بتایاکہ یونین کونسل پائی خیل کی حدودمیں چھتیس سوسے زائدپانچ سال سے کم عمربچوں کوویکسی نیشن اورپولیوقطرے حکومتی شیڈول کے مطابق بھرپوراندازسے پلائے جارہے ہیں اوردوردرازدیہاتوں میں جاکرلوگوں کوویکسی نیشن بارے آگاہی مہم بھی جاری ہے ۔اس علاقہ میں قلیل لوگ ویکسی نیشن اورپولیوکے قطرے اپنے بچوں کوپلانے سے انکاری ہیں ۔لیکن ہم معززین علاقہ کی مشاورت سے انہیں ویکسی نیشن اورپولیوکے قطروں کی افادیت بارے گھرگھرپیغام پہنچانے کی بھرپورمہم اورکرداراداکریں گے ۔اورشرکائے اجلاس نے ای ڈی ہیلتھ اورمتعلقہ ارباب اختیارسے مطالبہ کیاہے کہ ویکسنیٹروں کوپائی خیل کی حدودتھل ،پہاڑی علاقہ جات اورکچہ کے علاقوں میں ویکسنیشن کے ساتھ ساتھ ویکسین کی افادیت پرسادہ لوح لوگوں کولیکچرردینے کاپابندکیاجائے ۔
