پائی خیل: اکرام اللہ خان اور اس کے بھائیوں نے آتشی اسلحہ سے فائرنگ کرکے مجھے زخمی کیا: نجمل خان

پائی خیل (نامہ نگار)علی خان شاپنگ سنٹرکے مالک نجمل خان ولدمحمداسلم خان نے پولیس تھانہ پائی خیل کورپورٹ دیتے ہوئے بتایاکہ ملزم اکرام اللہ خان ولدعالم گل خان نے اپنے بھائیوں سمیت چھ افرادنے آتشی اسلحہ سے فائرنگ کرکے مجھے زخمی کردیا۔پولیس تھانہ پائی خیل نے چارحقیقی بھائیوں اکرام اللہ خان،عمرگل ،ثمرگل ،عنصرخان پسران عالم گل خان اورساجدخان ولدمقرب خان ،عالم خان ولدمحمدصدیق خان سمیت چھ افرادپرمقدمہ درج کردیا ۔مدعی نے بتایاکہ ہمیں شاپنگ سنٹرکی آتشزدگی کاہماراسابقہ ملازم اکرام اللہ خان ولدعالم گل خان پرشک تھا۔لیکن اکرام اللہ خان ہماری جلی ہوئی دکانوں کے اردگردوردات کے نشانات مٹاناچاہتاتھاجس پرجھگڑاہوگیااوراس کے بھائی عمرگل وغیرہ آتشی اسلحہ سے لیس ہوکرعمرگل نے ہم پرفائرنگ کردی جس کے نتیجہ میں میں نجمل خان بھی زخمی ہوگیااورملزم عمرگل خان بھی اپنی فائرنگ کی زدمیں آگیا۔تاہم پولیس تھانہ پائی خیل نے مدعی نجمل خان ولدمحمداسلم خان کی رپورٹ پرچاربھائیوں سمیت چھ افرادپرمقدمہ درج کرکے تفتیش شروع کردی ہے ۔