پائی خیل: اپنی مددآپ کے تحت دادامیاں محمدورالیؒ قبرستان راستہ کی مرمت جاری
پائی خیل (نامہ نگار)پائی خیل میں اپنی مددآپ کے تحت دادامیاں محمدورالیؒ قبرستان راستہ کی مرمت کے لئے غریب عوام نے مل کرکام شروع کررکھاہے ۔تفصیلات کے مطابق پائی خیل کے مرکزی قبرستان دادامیاں محمدورالیؒ کاراستہ کچہ ہونے سے بارش کے دن میت کوقبرستان میں لے جانے کے لئے شدیدمشکلات کاسامناکرناپڑتاہے اس مشکلات سے بچنے کے لئے غریب شہریوں نے اپنی مددآپ کے تحت قبرستان کے راستہ کی مرمت کے لئے مل جل کرفنڈجمع کرکے کام شروع کررکھاہے ۔علاوہ ازیں کئی باراخبارات میں اس راستہ کی مرمت کے لئے خبریں بھی شائع ہوچکی ہیں۔لیکن تاحال شنوائی نہیں ہوئی ۔حالانکہ آئندہ ہونیوالے بلدیاتی الیکشن میں یونین کونسل پائی خیل سے ناظمین کی ایک فوج ظفرموج اُمڈآرہی ہے۔جوکہ عوام پرمسلط ہونے کے لئے پَرتول رہے ہیں۔ لیکن ان سبوں میں سے کسی کوتوفیق نہیں ہوئی کہ شہریوں کے مسائل کوحلقہ کے ایم این اے ،ایم پی اے،ڈی سی اویاکسی محکمہ کے ضلعی سربراہان تک درخواست لے کراجاگرکریں ۔بلکہ زبانی باتوں کے پہاڑکھڑے کرنے کے گُرسیکھ رکھے ہیں۔عوامی حلقوں نے ڈی سی اومیانوالی،محکمہ ہائی ویزکے ارباب اختیار،ایم این اے حاجی عبیداللہ خان شادی خیل اورایم پی اے ڈاکٹرصلاح الدین خان نیازی سے پُرزورمطالبہ کیاہے کہ پائی خیل دادامیاں محمدورالیؒ قبرستان کے لئے پختہ سڑک اوردیگر بنیادی دیرینہ مسائل ترجیحی بنیادوں پر حل کیے جائیں ۔
Leave a Reply