پائی خیل (نامہ نگار)پاکستان تحریک انصاف کے سرگرم رکن حاجی شیکاخان تری خیل نے پریس کلب پائی خیل میں میڈیاکے نمائندوں سے باتیں کرتے ہوئے کہاکہ تبدیلی پاکستان کامقدربن چکی ہے ۔ ان شاء اللہ پاکستان تحریک انصاف کی تحریک جلدرنگ لائے گی۔الیکشن میں ایک منظم اندازمیں دھاندلی کی گئی تھی ۔جواب آہستہ آہستہ بے نقاب ہورہی ہے ۔قوم برسرِاقتداررہنے والی جماعتوں کے اصل چہرے دیکھ چکی ہے اوران کی عوام دوستی کے دعوے بھی کھل کرسامنے آگئے ہیں ۔یہ بات بہت خوفناک ہے کہ موجودہ دورِاقتدارعوام کے لئے وبال جان بناہواہے حکمرانوں نے ریلیف کی بجائے عوام کوتکالیف سے دوچاررکھاہواہے ملک کولاقانونیت ،دہشت گردی،بدامنی،مہنگائی،بے روزگاری سمیت توانائی کے بدترین بحرانوں سے دوچاررکھ کرملکی خزانے کوباپ داداکی وراثت سمجھ کرلوٹ رہے ہیں۔اللہ کے فضل وکرم سے تحریک انصاف جلدرنگ لائے گی اور ان لٹیرے سیاستدانوں کوعبرت کانشان بنادیں گے ۔
