پائی خیل: آقاﷺکی محبت ہی دین حق کی شرطِ اوّل ہے آپﷺکی ذات کواللہ تعالیٰ نے ایمان کی جان قراردیا: مفتی جنید رضا خان
پائی خیل(نامہ نگار)معروف مذہبی راہنماعلامہ مفتی محمدجیندرضاخان قادری ناظم اعلیٰ جامعہ انوارالحدیث نزدشیل پمپ نے کہاکہ آقاﷺکی محبت ہی دین حق کی شرطِ اوّل ہے آپﷺکی ذات کواللہ تعالیٰ نے ایمان کی جان قراردیاہے ۔اگرکوئی شخص ایک کروڑبارلاالہ الااللہ کہتارہے تومسلمان ہونہیں سکتالیکن اگرایک باربھی لاالہ الااللہ کے ساتھ محمدرسول اللہﷺکہہ لے تووہ مسلمان تسلیم کرلیاجائے گا۔کلمہ طیبہ کے ساتھ کلمہ طیبہ کے لوازمات پربھی عمل ضروری ہے اگرکوئی شخص کلمہ طیبہ بھی پڑھے لیکن زنا،شراب،سودیاجواوغیرہ کوبھی حلال سمجھے توشریعت مطہرہ کے نزدیک وہ مسلمان نہیں ہوگا۔یاشعائراسلامی میں سے فرائض قطعیہ جیسے نماز،روزہ وغیرہ کامنکرہوتووہ دائرہ اسلام سے خارج تصورکیاجائے گا۔حکومت وقت کوچاہیے کہ شعائراسلام پرپابندی نہ لگائیں بلکہ ایسی خرافات پرپابندی لگائیں جواسلامی احکامات کے خلاف اورمعاشرہ میں بگاڑکاباعث ہوں ۔ہم کسی صورت میں محافل میلادشریف ،مساجدکے سپیکراتارکراذان کی آوازکومحدودکرکے اورصلوٰۃ وسلام پر کسی صورت میں پابندی برداشت نہیں کریں گے ۔ کیونکہ نبی کریمﷺکاحقیقی عشق ہی مومن کاسرمایہ ہے آپﷺکی محبت سے دلوں میں نورپیداہوتاہے کثرت سے درودشریف پڑھنے سے دکھوں سے نجات ملتی ہے اورروحانی درجات بلندہوتے ہیں ۔نفرتوں ،کدورتوں کے خاتمہ کے لئے ضروری ہے کہ محبت رسولﷺکے دیپ روشن کیے جائیں۔
Leave a Reply