پائی خیل(نامہ نگار)نواحی علاقہ وانڈھابوری خیل میں آسمانی بجلی گرنے سے نویں جماعت کاایک طالبعلم جاں بحق جبکہ 4شدیدزخمی حالت میں ہسپتال داخل ۔تفصیلات کے مطابق نواحی علاقہ وانڈھابوری خیل میں علی الصبح ہونیوالی موسلادھاربارش کے دوران آسمانی بجلی ہائی ٹرانسمیشن بجلی کی تاروں پرآن گری جس سے تاریں ٹوٹ گئیں آئینی شاہدکے مطابق نویں جماعت کے طالبعلم عبدالوحیدولدعبدالکریم سمیت پانچ افرادشدیدزخمی ہوگئے ۔تاہم ریسکیو1122کے ذریعے انہیں فوری طورپرڈی ایچ کیوہسپتال لے جایاجارہاتھاکہ زخموں کی تاب نہ لاتے ہوئے عبدالوحیدجاں بحق ہوگیا۔جبکہ واصف اقبال،مشتاق حسین،محمدثاقب،علی اصغر سمیت چارافرادشدیدزخمی حالت میں ہسپتال داخل کرادیے گئے ۔متوفی عبدالوحیدکی نمازجنازہ میں کثیرتعدادلوگوں نے شرکت کی اورانہیں آبائی قبرستان میں آہوں ،سسکیوں کے ساتھ سپردخاک کردیاگیا۔
