پائی خیل:نواحی علاقہ ٹھٹھی شریف جماعت ہشتم کے طالب علم ہدایت اللہ خان ولدعصمت اللہ خان نے والدین کی ڈانٹ ڈپٹ کے باعث زہریلی گولیاں کھاکراپنی زندگی کاخاتمہ کرلیاتفصیلات کے مطابق نواحی علاقہ ٹھٹھی شریف کے رہائشی جماعت ہشتم کے طالب علم ہدایت اللہ خان ولدعصمت اللہ خان نے والدین کی ڈانٹ ڈپٹ کے باعث زہریلی گولیاں کھالیں جس سے اس کی حالت بگڑگئی جسے فوری طورپرڈی ایچ کیوہسپتال میانوالی لے جایاگیا۔ڈاکٹروں کی انتھک کاوشوں کے بعداس کی حالت تسلی بخش قراردے کرگھرریفرکردیاگیا۔دودن بعداس کی حالت پھربگڑگئی جسے ہسپتال لے جایاگیالیکن وہ جانبرنہ ہوسکا۔متوفی کی نمازجنازہ اداکردی گئی جس میں کثیرتعدادلوگوں نے شرکت کی اورسینکڑوں سوگوران کی موجودگی میں انہیں آبائی قبرستان میں سپردخاک کردیاگیا۔دوسرے واقعہ میں اس سے قبل 40سالہ شیرگل نے سپرے والی زہریلی دوائی کھاکراپنی زندگی سے چھٹکاراحاصل کرناچاہا۔جسے فوری طورپرہسپتال لے جایاگیا۔ڈاکٹروں کی انتھک کاوشوں کے باعث اس کی حالت بہترہوگئی اورصحت یاب ہوگیا۔عوامی وسماجی حلقوں نے ضلعی انتظامیہ سے کریانہ دکانوں پرغیرقانونی زہریلی دوائیں اورگندم میں رکھنے والی گولیاں پرپابندی عائدکرنے اورخودکشی کے خاتمہ کے لئے ہریونین کونسل میں آگاہی مہم خودکشی کے حوالے سے سیمینارمنعقدکرنے کامطالبہ کیاہے۔
