پائی خیل(نامہ نگار) پی ٹی آئی کے چیئرمین عمران خان کی شادی کے سلسلہ میں تری خیل کے پی ٹی آئی کے ٹائیگر حاجی شیکا خان کی رہائش گاہ پر دعوت ولیمہ کا اہتمام کیا گیاجس میں پی ٹی آئی ضلع میانوالی تمام پارٹی ورکرز، عہدیداراور پارٹی سے محبت رکھنے والے لوگوں نے کثیر تعداد میں شرکت کی اس موقع پر دعوت ولیمہ کے میزبان حاجی شیکا خان تری خیل نے پارٹی ورکر کے خطاب سے کہا ہے کہ عمران خان کی خوشیاں ہماری خوشیاں ہیں۔ عمران خان کی خوشیوں میں شریک کرنے کیئے آج پروگرام کا انعقاد کیا ہے ۔ یہ ایک چھوٹی سے کاوش ہے ہم تو اس سے بڑی کاوش کرنے کیلئے تیار ہیں ۔ انہوں نے کہا کہ پی ٹی آئی واحد جماعت ہے ۔ جس نے پورے پاکستان کی عوام کو شعور دیا ہے اور باشعور عوام اب اپنے فیصلہ خود کریں گے اور وہ وقت دور نہیں کہ پاکستان تحریک انصاف اقتدار میںآکر عام آدمی کو انصاف فراہم کریں گے اور ملک سے کرپشن ، بے روزگاری اور مہنگائی کا خاتمہ ہوگااور ملک میں انصاف کا بول بالا ہوگا ۔ اس موقع پر پی ٹی آئی کے مرکزی رہنماؤں میں ایم این اے امجد علی خان ، نوبزادہ ملک وحید خان ، جمال احسن خان ، حاجی سجاول خان ، امان اللہ خان سوانس ، نمبردار اکرام اللہ خان ، محمد حنیف خان پائی خیل کے علاوہ دیگر شخصیات نے شرکت کی ۔ پروگرام کے آخر پر کھانا تقسیم کیا گیا۔
