فاروق آباد ( سٹاف رپورٹر) پاکستان مسلم لیگ (ن)یوتھ ونگ کے رہنما سید جوادحسین شاہ اور لیبر ونگ کے رہنما سید ندیم الحسن شاہ نے کہا ہے کہ وزیر اعلیٰ میاں شہباز شریف نے رمضان میں اشیائے خوردو نوش پر ریلیف دے کر عوام کے دل جیت لئے ہیں ۔رمضان المبارک کے مقدس مہینے میں عوام کو اشیاء خوردو نوش کی سستی اور معیاری اشیاء کی فراہمی حکومت کی اولین ترجیح ہے ۔ شہباز شریف کا خود رمضان بازاروں کا دورہ عوام دوست پالیسی کا منہ بولتا ثبوت ہے پنجاب بھر کی مارکیٹ کمیٹیاں وزیر اعلیٰ کی ہدایات پر دن رات عوام کی خدمت میں مصروف عمل ہیں ان خیالات کا اظہار انہوں نے مارکیٹ کمیٹی فاروق آباد میں میڈیا کے نمائندوں سے گفتگو کرتے ہوئے کیا۔ اس موقع پر چوہدری عبدالخالق ورک ، چوہدری زبیر جٹ ، وقار اکرم ، فرمان اظہر اور دیگر بھی موجود تھے ۔
