فاروق آباد ( ایف یو نیوز)وزیر اعظم یوتھ لون سکیم میں قرضہ کے حصول کیلئے نوجوان خوار ہونے لگے ،نیشنل بنک شیخوپورہ برانچ اور دیگر برانچوں میں قرضہ درخواستوں کی وصولی تعطل کا شکار ہے قرضہ کا پراسس اس قدر مشکل بنادیا گیا ہے کہ کوئی نوجوان قرضہ لینے کا سوچ کر پریشان ہو جاتا ہے سائلوں کا کہنا ہے کہ قرضے دینے کے عمل کو شفاف اور آسان بنایا جائے پیچیدہ مراحل کی وجہ سے کوئی بھی درخواست مکمل نہیں ہو پاتی اور نیشنل بنک مین برانچ کا عملہ نامکمل فائل کا بہانہ بنا کر فائل کو پراسس میں نہیں کرتا یا قرضہ فائل نامکمل قرار دیکر واپس دے دی جاتی ہے قرضہ کے حصول میں پرپیچیدگیوں کی وجہ سے نوجوانوں میں مایوسی پائی جاتی ہے اور حکومتی یقین دہانیاں سیاسی وعدے ثابت ہو رہے ہیں سائلوں نے وزیر اعظم پاکستان سے اپیل کی ہے کہ قرضہ کے حصول کیلئے ہر علاقے میں موجود نیشنل بنک میں ایک مخصوص کاؤنٹر قائم کیا جاے اور درخواست کا پراسس انتہائی آسان اور عام فہم بنایا جائے تاکہ نوجوان اور دیگر عوام قرضہ کی سہولت سے بھر پورہ فائدہ اٹھاسکیں

QR Code: