فاروق آباد(ایف یو نیوز)سربراہ پاکستان محمد ؐ ی پارٹی مہر بان سائیں عبدالغفور میاں نے وزیر اعلی پنجاب میاں محمدشہباز شریف کو تحریر ی درخواست میں بتایا کہ شفقت جعفری (منیجنگ ڈائریکٹر پنجاب بیت المال لاہور)جس کا فون نمبر03400042159ہے جس نے اپنا ہوم ضلع گوجرانوالہ بتایا گاؤں ٹھٹھہ قادر شاہ تھانہ صدر فاروق آبادضلع شیخوپورہ میں میرے عزیز رہتے ہیں۔ مذکورہ نے اپنے آ پکو منیجنگ ڈائریکٹر پنجاب بیت المال ظاہر کیا اور سیدھے سادھے غریب لوگوں سے قرضِ حسنہ 5لاکھ روپے،3لاکھ روپے اور 2لاکھ روپے بلا سوددینے کیلئے قرضہ فارم پر کئے اور ان سے 10ہزار روپے سیکورٹی قابل واپسی وصول کر لی جو کہ لاکھوں روپے بنتے ہیں اس نے کہا کہ فارموں کی تصدیق میں خود ہی کروا لوں گا اور 20دن کے اندر اندر آپکو قرضِ حسنہ بلا سود چیک دیا جائے گا جو کہ آپکو شملہ پہاڑی لاہور بیت المال کے دفتر سے ملے گا آپ اس کو اپنے اکاؤنٹ میں جمع کروا لیں اور رقم استعمال کریں آپ لوگوں کو ایک ماہانہ قسط جمع کروانے والی کاپی ملے گی ہر ماہ فی لاکھ 500روپے ماہانہ نیشنل بینک میں جمع کروانا ہو گااور اس طرح نوسر باز نے غریب لوگوں سے لاکھو ں روپے اکھٹے کیئے اور فرار ہو گیا نو سر باز شفقت جعفری نے لوگوں کو دلاسا دیا کہ وزیر اعظم میاں محمد نواز شریف، وزیر اعلیٰ میاں محمد شہباز شریف کی خصوصی ہدایت پر میں غریبوں کو قرضِ حسنہ دینے کا حکم ہو ا ہے اورانہوں نے کہا ہے کہ نیکی کماؤ اور غریبوں کو قرضِ حسنہ دو تاکہ ملک سے غربت ختم ہو سکے ۔ یہ میاں برادران کی ہدایت پر کر رہاہوں سربراہ پاکستان محمدی پارٹی مہربان سائیں عبدالغفور میاں نے وزیر اعلیٰ پنجاب میاں شہباز شریف سے اپیل کی ہے کہ اس نوسر باز کو گرفتار کرکے اس سے لوٹی ہوئی رقم جو بطو ر سیکورٹی حاصل کی ہے واپس دلوائی جائے ۔

QR Code: