فاروق آباد (ایف یو نیوز)نادرا آفس میں رش بوڑھے وبیمار سائل خوار ہونے لگے،فاروق آباد میں نادرا آفس بنانے کا مطالبہ ،بتایا گیا ہے کہ شیخوپورہ نادرا آفس میں صبح ہوتے ہی سائلوں کا جم غفیر ہو جاتا ہے اور نادرا آفس میں گنجائش سے زیادہ سائل ہونے کی وجہ سے بد مزگی پیدا ہونا روز کا معمول بن چکا ہے ،پراسس مکمل ہونے کے بعد جمع ہونے والی فائلوں کی سکینگ بر وقت نہیں کی جاتی اور اکثر سے زائد فالیں /فارمز دیدہ دانستہ گم کر دیے جاتے ہیں سائلوں کوکئی بار 20سے 25کلومیٹر کا سفر کرکے نادرا آفس جانا پڑتا ہے بہت سے سائلوں کو معلومات سے آگاہی نہ ہونے کہ وجہ سے مسائل کا سامنا کرنا پڑتاہے جبکہ نادرا آفس کے ملازمین بھی سائلوں کو معلومات فراہم نہیں کرتے بلکہ ان کے ناروارویہ کی وجہ سے سائل شناختی کارڈ بنوانے سے اجتناب کرتے ہیں ۔شہریوں نے مطالبہ کیا ہے کہ فاروق آباد میں نادرا آفس قائم کیا جائے ۔
