فاروق آباد (ایف یو نیوز)میونسپل کمیٹی فاروق آباد کی چئیر مین شپ کیلئے چار امیدواروں کے نام سامنے آگئے ،سابق چئیرمین بلدیہ فاروق آباد سیدمشتاق حسین شاہ کے صاحبزادے سید سجاد حسین شاہ ،اور صدرمرکزی انجمن تاجران محمد اعظم شیخ ،چئیرمین میونسپل کمیٹی فاروق آباد کے مضبوط امیدوار ہیں ،سید سجاد حسین شاہ کو وفاقی وزیر برائے امور کشمیر چوہدری محمد برجیس طاہر ،صوبائی وزیر ملک ندیم کامران اور وفاقی وزیر کامران مائیکل کی حمائت حاصل ہے جبکہ محمد اعظم شیخ کووفاقی وزیر رانا تنویر حسین، مقامی ایم این اے سردار محمد عرفان ڈوگر اور ایم پی اے چوہدری سجاد حید گجر کی حمایت حاصل ہے تیسرے امیدوارمیاں امجد اقبال ایم این اے میاں جاوید لطیف کے قریبی عزیز ہیں جبکہ چوتھے امیدوارسیٹھ محبوب عالم ہیں ۔سید سجاد حسین شاہ اور محمد اعظم شیخ اور دیگر دو امیدواروں میں سے کس کے سر پر چئیرمین شپ کا تاج سجے گا اس کا فیصلہ وقت مسلم لیگ کی اعلیٰ قیادت کرے گی۔دریں اثنا وارڈ نمبر11سے امیدوارکی وفات کی وجہ سے چئیرمین شپ کے پانچویں امیدوار ڈاکٹر ظفر علی کامیاب ہو کر کسی بھی وقت میدان میں کود سکتے ہیں ۔
