فاروق آباد(سٹاف رپورٹر)سیاسی سماجی شخصیت سردار سرفراز احمد ڈوگر نے پریس کانفرنس کرتے ہوئے کہا کہ میرے اور میرے عزیزوں کے خلاف بے بنیاد پراپیگنڈہ کیا جار ہا ہے ، عرصہ چند ہفتے قبل ملزمان فلک شیر ولد نثار وغیرہ کیخلاف مقدمہ 447/15تھانہ صدر فاروق آباد میں درج رجسٹرڈ ہوا اور سیشن کورٹ سے مذکورہ ملزمان نے 11-08-2015تک ضمانت قبل از گرفتاری کر وا رکھی تھی اور انہیں خدشہ تھا کہ ملزم فلک شیر کو جیل ہو جائے گی چونکہ پولیس نے دوران تفتیش مذکورہ ملزمان فلک شیر وغیرہ کو گناہ گار قرار دے دیا ہے جس پر مذکورہ ملزم فلک شیر کو ڈرامائی طور پر غائب کر دیا گیا ہے اوراس کے اغواء کا جھوٹا مقدمہ درج کروانے کیلئے تھانہ صدر فاروق آباد میں ایک جھوٹی درخواست دے دی ہے انہوں نے بتایا کہ درج بالا مقدمہ447/15کا مدعی میرا رشتہ دار ہے اور اس مقدمہ میں میں مدعی کے ساتھ تھا جس کی رنجش پر ملزمان مذکورہ نے میرے اور میرے عزیزوں کے خلاف جھوٹی اور بے بنیاد رخواست دی ہے اور اسی درخواست پر بے بنیاد پراپیگنڈہ کیا جار ہا ہے اور اخبارات میں جھوٹی خبریں لگائی ہیں جن کی میں تردید کرتے ہوئے ان خبروں کو گمراہ کن قرار دیتا ہوں، ملزمان نے میری شہرت اور کاروبار ی ساکھ کو خراب کرنے کی کوشش کی ہے جس کی میں پر زور مذمت کرتا ہوں ۔

QR Code: