پاکستان مسلم لیگ (ن) متحدہ عرب امارات کے چیف آرگنائزر چودھری خالد بشیر نے کہا ہے کہ میاں نواز شریف کے بیرونی ممالک کے دوروں کے بڑے مثبت ،تعمیری اور دورس نتائج برآمد ہونگے غیرملکیوں کا پاکستان پر اعتماد بحال ہورہا ہے اور وہ سرمایہ کاری کررہے ہیں چین کی طرف سے گوادرپورٹ اور توانائی بحرا ن کے خاتمہ کیلئے اٹھائے جانے والے اقدامات سے ترقی اور خوشحالی ہمارے قدم چومے گی جبکہ اندھیرو ں میں ڈوبے ہوئے پاکستان میں ہر سو روشنیاں ہی روشنیاں ہونگی جلسوں دھرنوں اور احتجاجی سیاست نے پاکستان سمیت پوری دنیا میں ایک بار پھر ملکی امیج کو خراب کردیا ہے مگر نواز شریف کی مسلسل جدوجہد سے ہم بہتری کی طرف جارہے ہیں ان خیالات کااظہارانہوں نے ٹیلی فونک خطا ب کرتے ہوئے کیا اس موقع پر کارکنان کی بہت بڑی تعدادبھی موجودتھی انہوں نے کہاکہ پاکستان میں تشدد پسندی کی سیاست کرنیوالوں کا خود تو کوئی مستقبل نہیں وہ پاکستان کے مستقبل کو بھی داؤ پر لگا رہے ہیں مسلم لیگ(ن) کی مثبت پالیسیوں سے اوور سیئر پاکستانیوں کی عزت افزائی ہوئی ہے اور اب ہمیں مشکوک نظروں کی بجائے ہم پر اعتماد کیا جاتاہے انہوں نے کہاکہ مسلم لیگ(ن) کے دور میں ترقی اور خوشحالی کی راہیں متعین ہوئی ہیں مگر ترقی کی راہ میں روڑے اٹکانے والوں اورجمہوریت دشمنوں نے ہمیشہ میاں نواز شریف کو تنگ کیا ہے اب ترقی اور خوشحالی کا سفر رکے گا نہیں بلکہ اس سے عوام کو حقیقی ریلیف ملے گا۔