فاروق آباد ( سٹاف رپورٹر) معذورمحنت کش کے کمسن بچے سے 3اوباش نوجوانوں کی زبردستی بدفعلی ، 24گھنٹے گذرنے پربھی بااثر ملزمان کے خلاف بچے کی میڈیکل رپورٹ جاری نہ ہوسکی۔بتایا گیا ہے کہ فاروق آباد کے نواحی علاقہ اجنیانوالہ کا رہائشی ایک بازو سے معذور خادم حسین ملاح کا 11سالہ کمسن بیٹاماجدعلی جو کہ ورکشاپ میں کام کرتا ہے کو گاؤں کے بااثر زمیندار فیملیوں کے 3نوجوانوں قمر ڈوگر ،عدنان شاہ ،اور انتظار نے ماجدعلی کو ورغلا کر موٹر سائیکل پر سوار کیا اورقریبی نہر کیوبی لنک کے کنارے لے گئے اور تشدد کرتے ہوئے تینوں نے باری باری بدفعلی کا نشانہ بنایاواقع کی اطلاع پر چوکی انچارج اجنیانوالہ نے عدنان علی اور انتظار کو گرفتار کر لیا جبکہ قمر ڈوگر نامی ملزم فرار ہونے میں کامیاب ہوگیا دوران تفتیش گرفتار ملزمان نے اعتراف جرم کرلیا ہے،پولیس نے ڈاکٹ لیٹر جاری کردیا آر ایچ سی ہسپتال فاروق آباد کے میڈیکل آفیسر نے کمسن بچے کا میڈیکل دینے سے انکار کردیا اور اسے ڈسٹرکٹ ہسپتال شیخوپورہ ریفر کر دیا ، واقعہ کو ہوئے 24گھنٹے ہوچکے ہیں ملزمان بااثر ہونے کی وجہ سے تاحال ڈسٹرکٹ ہسپتال شیخوپورہ نے بچے کی میڈیکل رپورٹ جاری نہیں کی جس کی وجہ سے گرفتار ملزمان کے خلاف مقدمہ درج نہیں ہو سکا اہلیان علاقہ اور بچے کے ورثا نے شدید احتجاج کرتے ہوئے وزیر اعلیٰ پنجاب میاں شہباز شریف سے اپیل کی ہے کمسن مزدور بچے پر ظلم کرنے والے بااثر ملزمان کے خلاف ایم ایل سی جاری کیا جائے اورمقدمہ درج کرکے انہیں قرار واقع سزادی جائے ۔

QR Code: