معاشرے میں مثبت تبدیلی اورغربت کے خاتمے کیلئے مل جل کر کام کرنے کی ضرورت ہے ۔ کرن خورشید
فاروق آباد ( ایف یو نیوز)مرکزی میلاد کمیٹی سچا سودا کے زیر اہتمام 11غریب لڑکیوں کی اجتماعی شادی کی تقریب شاہین گراؤنڈ فاروق آباد میں منعقد ہوئی ڈی سی او شیخوپورہ محترمہ کرن خورشید ، رانا وحید احمد خاں ،،اے ڈی سی جی راؤریاض اعجاز،اسسٹنٹ کمیشنر سدرہ سلیم ،ٹی ایم او زبیر وٹو ،محترمہ فتح خاتون ،مرکزی مسلم لیگی رہنماء محترمہ سمیہ چوہدری ، جوائنٹ سیکرٹری اورنگی آرٹ اینڈ کلچرل آرگنائزیشن کراچی شمع نذیر ،قاری محمدشریف، ،سینئر صحافی اسلام غازی ،ڈاکٹر وسیم ، بابر علی ،،صدر ایمرا ،چوہدری عدیل احمد ورک ، ،شفیق احمد انصاری ،محمد عرفان ،میاں محمد ظفر، لیاقت علی رضوی ،حاجی محمد ادریس فاروقی ،ڈاکٹر عبدالغفار ،رانا شاہد ،جنرل سیکرٹری نیشنل پریس کلب فاروق آباد سید تقی رضا بخاری سمیت سیاسی سماجی ادبی تنظیموں کے سربراہان اور شہریوں کی کثیر تعداد نے شرکت کی تقریب سے خطاب کرتے ہوئے ڈی سی او محترمہ کرن خورشید نے کہا کہ نیکی اور بھلائی کے کاموں میں ہر شخص کو اپنا کردار ادا کرنا چاہیے ،اس سے معاشرے میں مثبت تبدیلی اور غربت میں واضع کمی آتی ہے 11غریب یتیم بچیوں کی اجتماعی شادی میلاد کمیٹی سچا سودا کی قابل ستائش نیکی ہے جس سے ہر کوئی ان کیلئے دعا گو ہے انہوں نے مزید کہا کہ تقریب میں فی کس بچی کو 1لاکھ 50ہزار روپے کا جہیز کا سامان دیا گیا ہے اور 500افراد کو کھانا پیش کیا ہے اس تقریب پر تقریباً20لاکھ روپے سے زائد رقم خرچ ہوئی ہے جبکہ ایک عام شادی پر 20لاکھ روپے خرچ ہوجاتے ہیں ۔تقریب سے ڈی سی او شیخوپورہ کرن خورشید ،حاجی طاہر جاوید نقشبندی ،ماجد سلہری ،فتح خاتون ،حاجی عبدالغفور ورک اور دیگر نے بھی خطاب کیا ۔
