فاروق آباد(ایف یو نیوز)محکمہ ڈاک کی عدم توجہ لاری اڈہ فاروق آباد پرنصب لیٹربکس ٹوٹ کر بکھر گیا ۔کمسن بچے خطوط ،مراسلات اور شناختی کارڈ ٹوٹے ہوئے لیٹر بکس سے نکال کر خراب کررہے ہیں شہریوں کامحکمہ ڈاک کے اعلیٰ حکام سے اصلاح واحوال کا مطالبہ ۔بتایا گیا ہے کہ محکمہ ڈاک کی طرف سے لاری اڈہ فاروق آباد پر پوسٹ بکس نصب ہے جو کہ عرصہ دو تین ماہ سے ٹوٹ پھوٹ کا شکار ہے اس بکس کو مقامی لوگوں نے دو سے تین مرتبہ اپنی مدد آپ کے تحت مرمت کروا یا ہے لیکن اب یہ اس قدر زنگ الود اور خستہ ہو چکا ہے کہ مرمت نہیں ہو پا رہا پوسٹ بکس میں موجود خطوط ،مراسلات اور گم شدہ شناختی کارڈ پڑے ہیں جنہیں گلی محلے کے کمسن شرارتی بچے اپنی کھیل کا سامان بنا رہے ہیں شہریوں نے محکمہ ڈاک کے اعلیٰ حکام سے اپیل کی ہے کہ لاری اڈہ پر فوری طور پر نیا لیٹر بکس نصب کیا جائے ۔

QR Code: