فارو ق آباد : اسٹیٹ لائف انشورنس سب زون شیخوپورہ میں بھاری مالیت کی انشورنس پالیسیاں بوگس میڈیکل پر جاری ہونے لگیں ۔رشوت نہ دینے والے خوار ہونے لگے اعلیٰ حکام سے اصلاح و احوال کا مطالبہ۔ بتایا گیا ہے کہ افتخار احمد بھٹو انڈر رائٹر اسٹیٹ لائف انشورنس کارپوریشن آف پاکستان سب زون شیخوپورہ نے بیمہ دار صارفین کو پریشان کر نا شروع کردیا انڈر رائٹر عرصہ دراز سے ایسی تمام انشورنس پالیسوں کو پاس کرتا رہا ہے جن کے میڈیکل نمرہ ہسپتال شیخوپورہ سے جعل سازی سے رشوت کے زریعے ہوتے رہے ہیں جبکہ ایسی انشورنس پالیسیاں جن کے میڈیکل اصلی ہیں لیکن رشوت نہ دی ہو ان کا مستردکر کے ری میڈیکل لگا دیا جاتا ہے خانقاہ ڈوگراں کی رہائشی مسماۃ شمنہ بی بی زوجہ عبدالرزاق نے پرپوزل نمبر871735پی آر نمبر، یو او 9181بتاریخ 12فروری2015کو 2لاکھ روپے مالیت کی انشورنس پالیسی کیلئے مبلغ 11400روپے جمع کروائے لیکن خاتون کے 2دفعہ میڈیکل کروانے پر بھی انڈر رائٹر نے پالیسی کو پاس نہیں کیا جبکہ سب زون شیخوپورہ میں درجنوں نہیں سینکڑوں بھاری مالیت کی انشورنس پالیسیاں جعلی بوگس میڈیکل پر انڈر رائٹر پاس کرچکے ہیں درخواست گزار خاتون نے چیئر پرسن اسٹیٹ لائف نرگس گلوسے اپیل کی ہے کہ غیر جانبدار انکوائری کروائی جائے اور بوگس میڈیکل پاس کرنے پر انڈر رائٹر افتخار احمد بھٹو کے خلاف ضابطہ کاروائی عمل میں لائی جائے ۔
