فاروق آباد: ہماری صفوں میں اتحاد نہ ہونے کی وجہ سے دشمن عناصر کو ملک میں انتہا پسندی، دہشت گردی اور انارکی پھیلانے کا موقع مل جاتا ہے ۔حافظ شاہد محمودسعیدی۔جمعیت اہل حدیث کے رہنماء ، مہتمم جامعہ رحمانیہ اوردارالعلوم رحمانیہ للبنات لاری اڈہ فاروق آباد حافظ شاہد محمود سعیدی نے کہا ہے کہ علاقہ کے تمام مکتبہ فکر سے وابستہ مذہبی جماعتیں اور جمعیت اہل حدیث مثالی اتحاد ،ملی یکجہتی ،مذہبی رواداری کا مظاہرہ کرے گی اور 12ربیع الا ول شریف کو اتحاد اور یکجہتی کا ثبوت دیں اور 12ربیع الاو ل شریف کے جلوس کے دوران شرپسند عناصر پر کڑی نظر رکھیں اور لاؤڈ سپیکر کا بے جا استعمال نہ کریں علماء اکرام تقاریر میں اشتعال انگیزی سے اجتناب کریں حافظ شاہدمحمود سعیدی نے کہا کہ ہماری صفوں میں اتحاد نہ ہونے کی وجہ سے دشمن عناصر کو ملک میں انتہا پسندی، دہشت گردی اور انارکی پھیلانے کا موقع مل جاتا ہے اگر ہم اپنی صفوں میں اتحاد پیدا کر لیں تووطن عزیز پاکستان میں دہشت گردی کا نام ونشان مٹ جائے گا ۔
