فاروق آباد: ڈی پی او شیخوپورہ کا یوم پاکستان پر ڈسٹرکٹ پولیس لائن شیخوپورہ میں منعقدہ تقریب سے خطاب تفصیلات کے مطابق امروز 23مارچ یوم پاکستان کے سلسلہ میں ڈی پی او شیخوپورہ کے حکم سے ڈسٹرکٹ افتخار پولیس لائن شیخوپورہ میں ایک تقریب منعقد ہوئی ۔تقریب کا آغاز کلام پاک کی تلاوت سے کیا گیا ۔ جس میں ڈی پی او شیخوپورہ کی صدارت میں شہدا کے لواحقین کی موجودگی میں شہدا کی یاد گار پر سلامی پیش کی گئی ۔ ڈی پی او شیخوپورہ نے شہدا کے لواحقین کا فردا فردحال پوچھااور موقع پرہی احکامات جاری کیے۔اس تقریب میں ڈی ایس پی صاحبان ضلع ہذا اور ای پی ہیڈکوارٹر نے بھی شرکت کی جنہوں نے اس تقریب میں تقاریر کیں۔ ڈی پی او شیخوپورہ نے اپنے خطاب میں شہدا کو خراج تحسین پیش کیا اور کہا کے جنہوں نے اس ملک کی عزت و ترقی کے لیے اپنی جان کا نذرانہ دیا ہے ان کو ہم کبھی بھی بھول نہیں سکتے اور اللہ تعالی شہدا کے درجات بلندکرے ۔تقریب کے اختتام پرشہدا کے لواحقین کے لیے کھانے کا اہتمام کیا گیا تھااور شہدا کے بچوں میں چاکلیٹ وٹافیاں اور تحائف بھی تقسیم کیے ۔