فاروق آباد : فلنگ ایسوسی ایشن کا ناجائز جرمانوں پر احتجاج ۔فلنگ ایسوسی ایشن کے رہنما محمد اعظم شیخ نے مقامی صحافیوں کو بتایا کہ ڈی سی او شیخوپورہ کے ملازمین پٹرول پمپس کے مئیر چیک کرنے کی پاداش میں پمپ مالکان کو پریشان کر رہے ہیں ڈی سی او آفس کے ملازمین لیبر ڈیپارٹمنٹ کے کسی پمپ کا مئیر چیک کرنے کا اختیار نہیں رکھتے ۔ ڈی سی او آفس کے ملازمین خرچہ پانی بنانے کیلئے اپنے اختیارات کا غلط اور ناجائز استعمال کررہے ہیں اوربلا وجہ پٹرول پمپس مالکان کو تھریڈکرکے جرمانے کرتے ہیں جبکہ ریٹ اور مئیر درست ہوتا ہے ۔ محمد اعظم شیخ نے کہا کہ ہمارے پٹرول پمپس کو لیبر ڈیپارٹمنٹ کے ساتھ ساتھ دیگر ہائر اتھارٹیز چیک کرچکی ہیں جنہوں نے معیار، مقدار کو درست قرار دیا ہے علاقہ بھر میں جب پٹرول نایاب تھااور100سے 180روپے تک فروخت ہورہا تھا تو اس وقت بھی ایسوسی ایشن کے پمپس پر تیل حکومت کے مقرر ہ کردہ ریٹ پر دیا جارہا تھا انہوں نے وزیر اعلیٰ پنجاب میاں شہباز شریف سے اپیل کی ہے کہ اختیارات کا غلط استعمال کرنے والے ڈی سی او آفس کے ملازمین کے خلاف قانون کے مطابق کاروائی میں عمل میں لائی جائے ۔
