فاروق آباد: پریس کونسل (رجسٹرڈ ) فاروق آباد کے زیر اہتمام پر وقار تقریب منعقد ہوئی جس میں صدر پریس کونسل بابر علی ،چئیرمین رانا حمید الرحمن ،محمد اعظم شیخ،چوہدری عدیل احمدورک ، چوہدری غلام حسین ، شہباز احمدگھمن ، محمد احمد مقبول ،عزیر احمد قریشی ،محمد شفیق وڑائچ،محمد عرفان شیخ ، مرزا محمد سلیم ، ظہیر احمد قریشی ،میاں سلامت علی ،شیخ محمد اشفاق اورسید علی حسن زیب نے شرکت کی جبکہ مہمان خصوصی میاں جاوید اقبال وٹو رہنماء تحریک انصاف تھے تقریب سے خطاب کرتے ہوئے میاں جاوید اقبال وٹو نے کہا کہ تحریک انصاف طویل جدوجہد کی بدولت آج پاکستانی عوام کو ثمرات حاصل ہو رہے ہیں میاں برادران کی حکومت کسی بھی صورت عوام کو ریلیف دینے کیلئے تیار نہ تھی عمران خان نے حقیقی اپوزیشن لیڈر کا کردار ادا کیا اور حکومت کی غلط پالیسیوں پر کڑی تنقید کی اور حکومت کی اصلاح کی پاکستان کے عوا م اگر چاہتے ہیں کہ ملک میں سوشل اور فلاحی مملکت کا قیام عمل میں لایا جائے تو اس کے لیئے عوام تحریک انصاف کو ووٹ دے کر اقتدار میں لائے میاں جاوید اقبال وٹو نے مزید کہا کہ پاکستانی عوام کو سمجھ جانا چاہیے کہ پیپلز پارٹی اور مسلم لیگ نے معاہدے کر رکھے ہیں کہ اس بار تم اگلی بار ہم یہ کسی بھی صورت پاکستان میں تبدیلی کے خواہاں نہیں ہیں اور نہ ہی یہ ساری زندگی پاکستانی عوام کو اپنے پاؤں پر کھڑا کرنا چاہتے ہیں ۔
