فاروق آباد : پولیس کا منشیات فروشوں، مجرمان اشتہاریوں اور دیگر جرائم میں ملوث افراد کے خلاف کریک ڈاؤن کرتے ہوئے متعدد افراد کو گرفتار کرلیا اور ان کے قبضہ سے اسلحہ اور منشیات برآمد کر لی ۔تفصیلات کے مطابق پولیس نے خطرناک مجرمان اشتہاری جو دہشت اور خوف کی علامت بنے ہوئے تھے کے ٹھکانوں پر کریک ڈاؤن کیا اور 16مجرمان اشتہاریوں کو گرفتار کیا جن میں کیٹگری اے کے 02اور کیٹگری بی کے 14مجرمان اشتہاری گرفتار کیے ناجائز اسلحہ کے خلاف کل 02مقدمات درج کیے اور ملزمان کے قبضہ سے پسٹل 02معہ ایمونیشن برآمد کرکے ملزمان کو گرفتار کر لیامنشیات کے خلاف کاروائی کرتے ہوئے کل 05مقدمات درج کیے اور ملزمان کے قبضہ سے چرس 2430گرام اور 15بوتلیں شراب برآمد کرکے ملزمان کو گرفتارکر لیاجناب ڈی پی او صاحب نے پولیس افسران کو خصوصی ہدایت دی کہ ملکی صورت حال کے پیش نظر ایس ڈی پی او صاحبان ، ایس ایچ او صاحبان اور انچارج چوکیات اپنے اپنے علاقہ میں مساجد ، امام بارگاہ اور پبلک مقامات پر سکیورٹی ڈیوٹی بڑھادیں گشت کے نظام کو موثر بنائیں اور ہر مشتبہ شخص کی سخت چیکنگ کی جائے تاکہ کسی حادثہ یا نقصان سے بچا جا سکے علاوہ ازیں اسکولوں کی سکیورٹی کے لیے ایلیٹ فورس کو 24گھنٹوں کے لیے ہائی الرٹ گشت کی ہدایت کی گئی ہے ان تمام سکیورٹی انتظامات پر جناب ڈی پی او صاحب کی ہدایت پر کڑی نگرانی کی جارہی ہے۔
