فاروق آباد:مال بردار ٹرین کا ڈبہ ٹرین سے الگ ہو کر تانگہ اور موٹر سائیکل سواروں سے ٹکرا گیا، تین افرادموقع جاں بحق جبکہ دو خواتین اورایک بچے سمیت چار افرادشدید زخمی۔تفصیل کے مطابق کراچی سے براستہ فاروق آباد چیچوکی ملیاں جانے والی کوئلے سے بھری مال گاڑی کا آخری ڈبہ فاروق آباد مغربی ریلوے پھاٹک کے قریب چلتی ٹرین سے حادثاتی طور پر الگ ہو گیا ۔مال گاڑی کے گزرنے کے بعد پھاٹک پر تعینات گیٹ مین نصیر احمد نے ٹریفک کیلئے پھاٹک کھول دیا ۔اسی اثناء میں مال گاڑی سے ٹوٹ کر پیچھے رہ جانے والا ڈبہ تیز رفتاری سے پھاٹک کراس کرنے والے تانگہ اور ایس اے ایچ-1940, ایس اے ڈی-1710,ایل ای کیو-2434نمبری موٹر سائیکل سواروں سے ٹکرا گیا۔جس کی وجہ سے امجد نامی شخص موقع پر جاں بحق جبکہ دو نامعلوم افراد راستے میں زخموں کی تاب نہ لاتے ہوئے جاں بحق ہو گئے جبکہ زاہدہ بی بی ،شمشا د بی بی ،ملک افضل،گلزار طفیل ، شہزاد یوسف اورچھ سالہ ابو بکرافراد شدید زخمی ہو گئے ۔جائے حادثہ پر پٹرولنگ پولیس کے اے ایس آئی عباس اپنی ٹیم کے ہمراہ پہنچے اور زخمیوں کو فوری طبی امداد کیلئے  ڈی ایچ کیو شیخوپورہ منتقل کر دیا۔