فاروق آباد:ایڈیشنل آئی جی پٹرولنگ میاں جاوید اسلام اور ایس ایس پی رائے بابر سعید کی خصوصی ہدایت پردھند کے دوران پٹرولنگ پولیس کے گشت نظام اور ٹرانسپورٹرز میں فوگ لائٹس اور ریفلیکٹر کے استعمال کو یقینی بنانے کیلئے ڈی ایس پی شہزادی گلفام نے گزشتہ روز پٹرولنگ پوسٹ فاروق آباد میں ٹرانسپورٹروں اور معززین علاقہ سے خطاب کرتے ہوئے کہاکہ دھند کے دوران پٹرولنگ کے نظام کو بہتر بناکر عوام کی جان ومال ،عزت وآبرو کے تحفظ کو یقینی بنانے کے ساتھ ساتھ کرائم کی روک تھام کیلئے ہر ممکن اقدامات اٹھائے جائیں گے اور ضلع بھر کی مین شاہراہوں اورلنک روڈز پر ہر قسم کی واردات کی روک تھام کیلئے حکمت عملی پر علمدرآمد شروع کردیا گیا ہے ٹرانسپورٹرز اور گھریلو گاڑیاں استعمال کرنے والے دھند کے دوران کسی بھی حادثہ سے بچنے کے لئے فوگ لائٹس اور ریفلیکٹر کے استعمال کو یقینی بنائیں تاکہ سفر محفوظ ہو اور دوسروں کی جانیں بھی بچ سکیں انہوں نے کہاکہ فرائض میں غفلت برتنے والوں کو کسی صورت بھی معاف نہیں کیا جائے گا۔
