فاروق آباد و گردو نواح کے قصاب اپنا قبلہ درست کرلیں،غیر معیاری گوشت تلف کردیا جائیگا، مقدمات درج اور جرمانے عائد کئے جائینگے: ڈاکٹر قیصر خلیق قریشی
فاروق آباد ( نامہ نگار) پانی ملے گوشت کی فروخت کے خلاف ایکشن متعدد قصابوں کے خلاف ایف آر درج ،بتایا گیا ہے کہ شہری کی شکایت پرسینئر ویٹرنیری آفیسر ( ہیلتھ ) ڈاکٹر محمد قیصر خلیق قریشی نے لاری اڈہ فاروق آباد پانی کی ملاوٹ گوشت کو فروخت کرتے ہوئے قصاب اخلاق احمد ولد محمود یونس اور دیگر کے خلاف مقامی تھانہ سٹی فاروق آباد میں مقدمہ درج کروادیا ہے تاہم قصاب فرار ہوگیا سینئر ویٹرنیری آفیسر (ہیلتھ) ڈاکٹر محمد قیصر خلیق قریشی نے فاروق آباد اور گردونواح کے قصابوں کو تنبیح کی ہے کہ وہ اپنا قبلہ درست کرلیں گھروں کے اندر چربی وغیرہ کو کاڑھنا ممنوع ہے بیمار جانوروں کا گوشت ،غیر معیاری گوشت ،پانی کی ملاوٹ والا گوشت اور ایسا گوشت جس پہ ویٹرنیری آفیسر ( ہیلتھ )مہر ثبت نہیں ہوگی تلف کر دیا جائے گا اور ایسا گوشت فروخت کرنے والے افراد کے خلاف مقدمات درج اور جرمانے عائد کئے جائیں گے انہوں نے شہریوں سے اپیل کی اپنی شکایات سینئر ویٹرنیری آفیسر ( ہیلتھ ) ڈاکٹر محمد قیصر خلیق قریشی کے رابطہ نمبر0301-7140713پر فوری دیں تاکہ بروقت ایکشن لیا جاسکے۔
Leave a Reply