فاروق آباد میں 69واں یوم آزادی پورے جوش و ملی جذبہ سے منایا گیا
فاروق آباد (سٹاف رپورٹر)فاروق آباد میں 69واں یوم آزادی پورے جوش و ملی جذبہ سے منایا گیا،پاکستان مسلم لیگ ن سٹی فاروق آباد کے زیر اہتمام، سٹی تنظیم کے صدر سیٹھ محبوب عالم کی زیر صدارت پرچم کشائی اور طلبہ کے مابین تقریری اور ملی نغموں کے مقابلوں پر مشتمل تقریب بلدیہ فاروق آباد میں منعقد ہوئی، جس کے مہمان خصوصی رکن قومی اسمبلی سردار محمد عرفان ڈوگر ،صوبائی پارلیمانی سیکرٹری سجاد حیدر گجر کے صاحبزادے اسامہ سجاد گجر اور ایم این اے عرفان ڈوگرکے بڑے بھائی شہزاد احمد ڈوگر تھے۔اس موقع پررکن قومی اسمبلی سردار محمد عرفان ڈوگر، اسامہ سجاد گجر، سیٹھ محبو ب عالم،کاشف منصور احمد بھٹی،شیخ زاہد حسین،عبد المجید خان میاں لیاقت علی، شیخ ریاست علی، ڈاکٹر جمیل احمد قریشی، میاں محمد طیب ،سید مقدس شاہ بخاری ،سیٹھ افتخار احمد،نے خطاب کرتے ہوئے کہا کہ 14 اگست تجدید عہد کا دن ہے،جس کیلئے نوجوان نسل کو آگے آنا ہو گا، قوم آپس میں اتحاد واتفاق اور یقین محکم کو اپنا کر دشمن کی ہر چال کو ناکام بنا دیں اور ملک کو عظیم تر بنانے میں کوئی کسر اٹھا نہ رکھیں کہ آزادی ایک نعمت ہے ، 14 اگست کا دن ملکی تاریخ میں نمایاں اہمیت کا حامل ہے، بانی پاکستان نے ہندووں اور انگریزوں کی دوہری غلامی سے ہمیں نجات دلا کر باوقار اقوام کی صف میں کھڑا کر دیا،ملک کی بنیادوں میں شہید ان وطن کا خون شامل ہے۔ تقریب میں مختلف شعبوں میں نمایا ں کارکردگی پر ایوارڈز دئیے گئے، دینی خدمات پر مفتی عبد الرحمان ،صحافتی خدمات پرکاشف منصور بھٹی ،انڈر 16 گولڈمیڈلسٹ ہاکی پلئیر شان ارشاد اور محمد نواز سلطان کو ایوارڈز دئیے گئے۔ جبکہ تقریری مقابلہ میں اول زین الرحٰمان،دوم آفتاب احمد،سوم سعد عبداللہ،ملی نغموں میں اول سرمد علی ،دوم گل ارم،سوم آفاق احمد سمیت میٹرک کے امتحان میں علا قہ بھر میں پہلی پوزیشن پر محمد حماد الرحٰمن ، دوم فہاد احمد سعید، سوم آئمہ خاور کو بھی انعامات دئیے گئے۔
Leave a Reply