فاروق آباد: موسم گر ما کی باقاعدہ آمد سے قبل ہی فاروق آباداورگردونواح میں لوڈ شیڈنگ کا دورانیہ 18گھنٹے سے تجاوز کرگیا، لوگ بجلی کو ترس گئے ،پانی کی قلت بھی مسلسل رہنے لگی ،کئی کئی گھنٹے کی غیر علانیہ، مسلسل لوڈ شیڈنگ کے خلاف تاجروں اور سول سوسائٹی کے سینکڑوں افراد نے فاروق آباد پریس کلب کے سامنے احتجاجی مظاہرہ کیا۔ بتا یا گیا ہے کہ فاروق آباداور گردونواح میں غیر علانیہ لوڈشیڈنگ کا بے قابو جن پھر آخری حدوں کو چھونے لگا ہے شہر سمیت دیہی علاقوں میں بجلی کی بندش18گھنٹے سے بھی تجاوز کرچکی ہے جس سے لوگوں کا جینا اجیرن ہوکے رہ گیا ہے گزشتہ روز بھی لوگ دن بھر بجلی کی آمد کے منتظر رہے مگر بجلی منٹوں کیلئے آکر گھنٹوں کیلئے چلی جاتی رہی ۔ لوڈشیڈنگ کے باعث طلباء طالبات کوشدیدپریشانی کاسامناہے اوربجلی بندہونے پروہ اپنی پڑھائی ٹھیک طرح سے نہیں کرپارہے جبکہ دفاترمیں کام کرنیوالے افرادکوبھی مشکلات کاسامناہے ۔محنت کش اور دستکار دن بھر خاموش مشینوں کو گھورتے رہے ۔جبکہ گھروں میں موجود خواتین ،بوڑھوں اور بچوں کو بھی اذیت ناک صورتحال کا سامنا کرنا پڑا ،لوگوں نے فاروق آباد پریس کلب کے سامنے احتجاجی مظاہرہ کیا او رحکومت کے خلاف نعرہ بازی کی اورلوڈ شیدنگ بند کرنے کا مطالبہ کیا۔
