ماں فاؤنڈیشن آف پاکستان کے قیام کو 1سال ہونے پر مقامی شادی ہال میں پروقار تقریب کا اہتمام کیا گیا جس میں ماؤں نے سالگرہ کا کیک کاٹا ،تقریب میں ایس پی پنجاب پولیس ہیڈ کوارٹر محمد شریف جٹ بطور مہمان خصوصی شریک ہوئے جبکہ ایڈمنسٹریٹر ملک عبدالجبار، مرکزی صدر ماں فاؤنڈیشن آف پاکستان سیٹھ افتخار احمد ، سینئر نائب صدر نور محمد ،چئیر مین محمد امجد رانا صراف ،چئیر مین سپریم کونسل بابر علی،صدر نیشنل پریس کلب محمد عمران ہاشمی ،نور محمد ڈنگا ،مرزاوحید انجم،قاری سرور گوندل ،سیٹھ عبدالستار ،سید تقی رضا شاہ ،علی شاہ ،حاجی شہباز احمد گھمن ،مبارک علی ہاشمی،حافظ شہزاد ،عبدالخالق ورک، سمیت معززین شہر کی کثیر تعداد اور تنظیم کے جملہ عہدیداران ،ممبران نے شرکت کی تقریب سے خطاب کرتے ہوئے سینئر نائب صدر نور محمد نے کہا کہ تنظیم کے قیام کو ایک سال پورا ہونے پر اور اس میں نوجوانوں کی کثیر تعداد میں شمولیت پر ہم اللہ کے شکر گزار ہیں کہ اللہ تعالیٰ نے اس نیک کام کیلئے ہمارا چناؤ کیا ماں فاونڈیشن آف پاکستان کا مشن والدین کی عزت و تحریم کو بلند کرنا ہے ۔
