فاروق آباد: ضلع بھر کے مدارس ومساجد کے ریکارڈ کو کمپوٹرائزڈ کرنے کا عمل تیزی سے جاری
فاروق آباد: غیر رجسٹرڈ مدارس کو حکومتی دائرہ کار میں لانے کیلئے ضلع بھر کے مدارس اور مساجد کے ریکارڈ کو کمپوٹرائزڈ کرنے کے مرحلہ کو تیز کر دیا گیا ہے ۔تمام ریکارڈ کو از سر نو مرتب کرکے خفیہ ایجنسیوں کے ذریعے پڑتال کی جائے گی اور غیر رجسٹرڈ مدارس کو رجسٹرڈ کروانے کیلئے نوٹس جاری کیئے جائیں گے اس سلسلہ میں سیکرٹریز یونین کونسلز کو اہم ذمہ داریاں سونپ دی گئیں ہیں اور ایسے تمام مدارس جو مشتبہ عوامل میں ملوث ہیں ان کی سخت نگرانی اور سیل کرنے کے احکامات پربھی ضلعی حکومت شیخوپورہ غور کر رہی ہے ایسے تمام مدارس جن میں غیر ملکی طلباء زیر تعلیم ہیں اور غیر ملکی ذرائع سے فنڈنگ حاصل ہو رہی ہے ان کو بند کیا جاسکتا ہے پنجاب حکومت نے تمام مدارس کو جلد از جلد رجسٹرڈ اور رینویل سرٹیفکیٹ جاری کرنے کے احکامات جاری کیئے ہیں مدارس انتظامیہ پابند ہے کہ وہ سالانہ آمدن اور خرچ کا آڈٹ کسی مستند چارٹڈ اڈٹ کمپنی سے کروا کر اپنی اڈٹ رپورٹ سالانہ کارکردگی کے ساتھ جمع کروائیں ۔
Leave a Reply