فاروق آباد : بہترین کارکردگی پر بابر علی سیلز آفیسر نے اسٹیٹ لائف انشورنس کارپوریشن آف پاکستان لاہور ویسٹرن زون میں تیسری اور سب زون شیخوپورہ میں پہلی پوزیشن حاصل کرلی بتایا گیا ہے کہ اسٹیٹ لائف انشورنس کارپوریشن آف پاکستان ویسٹرن زون لاہور کی جانب سے ٹاپ 25سیلز آفیسرز کی آنر رول ، ماہ فروری جاری کردی گئی ہے جس کے مطابق فاروق آباد سے تعلق رکھنے والے بابر علی سیلز آفیسر نے ماہ فروری 2015میں مبلغ 535396روپے کا پریمم جمع کروا کرلاہور ویسٹرن زون میں تیسری اور شیخوپورہ سب زون میں پہلی پوزیشن حاصل کرلی ہے جبکہ سالانہ بزنس 2015کے مطابق بابر علی سیلز آفیسر لاہور ویسٹرن زون میں چھٹے نمبر پر ہیں ایریا 2067کے ایریا منیجر محمد شہباز ،سیلز منیجر محمد نفیس اور دیگر رفقاء نے بابر علی سیلز آفیسر کو ٹاپ 25سیلز آفیسرزمیں شامل ہونے پر مبارکباد پیش کی ہے ۔