فاروق آباد : سورج کے تیور بدلتے ہی فاروق آباد میں لوڈ شیڈنگ کا دورانیہ حد سے تجاوز کرگیاشہری ہائے بجلی ہائے بجلی کرنے لگے طویل دورانیہ کی لوڈشیڈنگ میں مچھروں کی یلغارنے کاٹ کاٹ کرعوام کا جینا دوبھر کردیافاروق آباد کے شہری علاقوں میں چودہ گھنٹے جبکہ دیہی علاقوں میں اٹھارہ گھنٹے کی غیر اعلانیہ لوڈشیڈنگ سے عوام پریشانی کا شکار ہیں شہریوں کاکہنا ہے کہ لوڈ شیڈنگ میں اضافہ حکومت کی غیر سنجیدگی کاغماز ہے منافع بخش اداروں کی نجکاری من پسند افرادکو نوازنے کا تسلسل ہے کسی حکومت نے بھی توانائی کی ضروریات کا خیال نہیں کیا بڑے آبی ذخائر چھوڑ کرنجی پاور کمپنیوں سے معاہدے مہنگی بجلی کا باعث ہیں بے روزگاری لوڈشیڈنگ بدامنی اپنی آخری حدوں کو چھو رہی ہے ان مسائل سے موجودہ حکمرانوں کو قطعی دلچسپی نہیں ملک میں جاری بد ترین لوڈشیدنگ سے صنعتی اور اقتصادی سرگرمیوں کا پہیہ بری طرح جام ہوچکاہے حکمرانوں کے بلا تعطل بجلی فراہم کرنے کے بلندوبانگ دعوئے زمین بوس ہوتے چلے جارہے ہیں وطن عزیز سے کرپٹ اقتدار کے خاتمے تک عوام کی زندگیوں سے اندھیروں کاخاتمہ ممکن نہیں۔
