فاروق آباد: پاکستان مسلم لیگ (ن )لیبر ونگ ، یوتھ ونگ اور ایم ایس ایف کے زیر اہتمام سانحہ پشاور کے شہیدوں کیلئے شمع روشن اور ان کی مغفرت کیلئے دعائیں کی گئیں۔ اس موقع پر میڈیا سے گفتگو کرتے ہوئے مسلم لیگی رہنما سید اسد علی بخاری نے کہا کہ سانحہ پشاور کے شہیدوں کا خون رائیگاں نہیں جائے گا،ان کے خون کے ہر قطرے کا حساب لیا جائے گا۔ انہوں نے مزید کہا کہ ہم ملک کو دہشت گردی سے نجات دلانے کیلئے پاک فوج اور حکومت کے ساتھ آخری وقت تک کھڑے رہیں گے ۔دہشت گردوں کا یہ اقدام بزدلانہ اور بیمانہ ہے ۔ ان کے ایسے ہتھکنڈوں سے ہمارے حوصلے پست نہیں، بلند ہو رہے ہیں ۔ وزیر اعظم کا دہشت گردوں کے خلاف دائرہ تنگ کرنے کا اقدام خوش آئندہ ہے ۔ وزیر اعظم سے مطالبہ کرتے ہیں کہ سانحہ پشاور کے شہیدوں کو ہر صورت انصاف ملنا چاہیے اور دہشت گردی کے خلاف تمام سیاسی قوتوں کا ایک صفحہ پر اکھٹا ہونا ملکی مستقبل کیلئے انتہائی خوش آئندہے۔ ہم شہیدوں کے ورثاء کے غم میں برابر کے شریک ہیں ۔ اس موقع پر عاصم لطیف ، رانا عدیل ، ملک عدنان ، میاں فرقان ، خاور ورک ، کاشی گجر اور دیگر موجود تھے ۔
