فاروق آباد : پاکستان مسلم لیگ ن یوتھ ونگ کے زیر اہتمام سانحہ پشاور کے شہیدوں کو خراج تحسین پیش کرنے کیلئے تعزیتی اجلاس زیر صدارت سید جواد حسین شاہ رہنما مسلم لیگ ن یوتھ ونگ منعقد ہوا۔ جس میں چوہدری عمیر گجر ، صہیب سجاد برانڈ منیجر سپیئریئر گروپ، انجینئر سرفراز ناگرہ ایڈمن سپیئر یئر گروپ،رانا فہد محمود ، چوہدری زبیر جٹ ، رانا شاہ زیب ، وقار اکرام ، ملک فرمان اور دیگر نے شرکت کی۔ اس موقع پر سید جوادحسین شاہ بخاری نے نیشنل پریس کلب رجسٹرڈ کے صحافیوں سے گفتگو کرتے ہوئے کہا کہ دہشت گردی کے خلاف جنگ میں پوری قوم وزیر اعظم نواز شریف اور آرمی چیف راحیل شریف کیساتھ ہے۔ یہ جنگ جیتنا قوم کی زندگی اور موت کا مسئلہ ہے۔ اب زبانی جمع خرچ کا وقت نہیں ،اب صرف آپریشن ضرب عضب کے ذریعے دہشت گردوں کا خاتمہ ہو گا ۔انہوں نے مزید کہا کہ پاکستان کی پاک دھرتی سے نام و نشان ہمیشہ کیلئے ختم ہو جائے گااور شہدائے پشاور کے شہیدوں کے خون کے ایک ایک قطرے کا حساب ہو گا۔ اس موقع پر خطاب کرتے ہوئے عمیر گجر نے کہا کہ حکومت فوج اور عوام نے دہشت گردی کے خاتمے کی جنگ کی منطقی انجام تک پہنچانے کی ٹھان لی ہے، پوری قوم کی دعائیں ان شہداء بچوں کیساتھ ہیں ۔اس موقع پر صدر نیشنل پریس کلب عمران ہاشمی ، جنرل سیکرٹری سید تقی رضا بخاری ، نائب صدر عبدالخالق ورک ،چیئر مین عشر و زکوۃ کمیٹی ڈاکٹر محمد علی قیصرؔ ، مرکزی صدر ماں فاؤنڈیشن سیٹھ افتخار احمد ، پیر افضال نظامی اور دیگر سیاسی و سماجی شخصیات موجود تھیں۔
