فاروق آباد : فقہ جعفریہ فاروق آباد ،ماں فاؤنڈیشن پاکستان اور امید سحر فاؤنڈیشن فارو ق آباد کے زیر اہتمام سانحہ پشاور کے سلسلہ میں احتجاجی ریلیاں نکالی گئی جس میں میاں عرفان ایڈووکیٹ ،رانا اعجاز احمد ،مظہر شاہین ،عرفان یوسف ،شکیل احمد ،میاں عمر فاروق ،نوید احمد ،حافظ غلام باری ،حافظ خادم حسین ،ماسٹر شوکت علی سمیت شہریوں کی بڑی تعداد نے شرکت سماجی تنظیموں نے پریس کونسل (رجسٹرڈ ) فاروق آباد کے آفس کے سامنے اپنا احتجاج ریکارڈ کروایااحتجاجی ریلی سے خطاب کرتے ہوئے حضرت مولانا علامہ گلزار حسین فیاضی نے کہا کہ سانحہ پشاور میں دہشت گردوں نے ثابت کر دیا کہ وہ مسلمان تو دور کی بات انسان کہلوانے کے بھی حقدار نہیں ایسے دہشت گردجو اسلام اور جہاد کا نام لے کر ظلم کرتے ہیں ان کو عبرت کا نشان بنادیناچاہیے انہوں نے افواجِ پاکستان سے مطالبہ کرتے ہوئے کہا کہ کالعدم تحریک طالبان اور دیگر دہشت گرد تنظیموں کے گرفتار دہشت گردوں کو فلفور سرِعام پھانسیوں پر لٹگایا جائے۔