فاروق آباد: ریلوے چوک سے صفانوالہ چوک تک نیا بازار بنایا جائے ۔متاثرین شہر کی ڈی سی او شیخوپورہ سے اپیل ،نئے بازار کی تشکیل سے 100سے زائد نئی دوکانیں تعمیر ہوسکتی ہیں جس سے بلدیہ فاروق آباد کو تقریباً 80لاکھ روپے ماہانہ ریونیو حاصل ہوگا ۔ تفصیلات کے مطابق فاروق آباد میں تجاوزات اور سڑکوں کی توسیع کے منصوبہ میں گرائی گئی دوکانوں کے متاثرین کی بحالی کیلئے کوئی اقدامات نہیں کیئے گئے 70سے زائد متاثرہ دوکانداروں کو متبادل جگہ نہیں دی گئی 43 سے زائد متاثرہ دوکاندار وں نے تحریری طور پر نئے بازار کی تشکیل کیلئے قرارداد متفقہ طور پر منظور کرکے وزیر اعلیٰ پنجاب میاں محمد شہباز شریف ،ڈی سی او شیخوپورہ، اے ڈی سی جی محترمہ سائرہ عمراورٹی ایم او فدا افتخار میر کو ارسال کی ہے اور کہا ہے کہ چند بااثر سیاسی شخصیات سینکڑوں غریب متاثرین کو حق دینے میں رکاوٹ بن رہی ہیں ڈی سی اواور اے ڈی سی جی شیخوپورہ میڈم سائرہ عمر غریب دوکانداروں کو نیا بازار بنا کر اس میں ایڈجسٹ کریں نئے بازار کی تشکیل سے کوئی دوکاندار متاثر بھی نہ ہوگا اور ٹی ایم اے /بلدیہ فاروق آباد کو تقریباً8لاکھ روپے ماہانہ ریونیو حاصل ہوگا اور شہر کی خوبصورتی میں بے پناہ اضافہ ہوگا ۔

QR Code: