فاروق آباد: ریلوے لائن عبور کرتے ہوئے ٹرین کی زد میں آکر چچا بھتیجا جاں بحق ہو گئے۔گاؤں کالوکے کے رہائشی چچا بھتیجا عبدالغفور اور منشاء فاروق آباد سے واپس اپنے گاؤں جارہے تھے۔ ریلوے پھاٹک شرقی فیصل آباد سے آنے والی ٹرین 114ڈاؤن غوری ایکسپریس کے گزرنے کے لیے بند کیا گیا تھا۔ محمد منشا ور عبدالغفور انتظار کرنے لگے مگر ان سے چند منٹ سے زیادہ انتظار نہ ہو سکا اور منشاء نے موٹر سائیکل ریلوے لائن سے گزارنا چاہی اسی اثنا ء میں فیصل آباد سے آنے والی ٹرین 114ڈاؤن غوری ایکسپریس بھی سر پر آن پہنچی اور 40 مسالہ عبدالغفور اور اس کا جواں سالہ بھتیجا منشاء ٹرین کی زد میں آ کر جاں بحق ہو گئے۔ سٹی پولیس نے ضروری کاروائی کے بعد نعشیں ورثاء کے حوالے کر دیں۔ حادثہ کے بعد ٹرین آدھا گھنٹہ تاخیر کا شکار ہوئی۔