فاروق آباد: حادثات کی روک تھام اور پٹرولنگ ہیلپ لائن کی آگاہی کیلئے پٹرولنگ پوسٹ فاروق آباد کی طرف سے آگاہی روڈسیفٹی مہم کا اہتمام کیا گیا جس میں ڈی ایس پی پٹرولنگ شیخوپورہ اصغر علی نے خصوصی شرکت کی اس موقع پر انچارج پٹرولنگ پوسٹ محمد اصغر ،ایس آئی شاہ فیصل ،اے ایس آئی محمد عباس ، عنصر منیر ،راشد محموداور دیگر موجود تھے ڈی ایس پی اصغر علی نے لاری اڈہ فاروق آباد پر موجود سینکڑوں ڈرائیوروں ،ٹرانسپورٹروں ،مسافروں ،تاجروں اور خریداروں سے خطاب کرتے ہوئے کہا کہ پاکستان میں روڈ ایکسیڈنٹ اور دہشت گردی میں ہر سال ہزاروں قیمتی جانیں ضائع ہورہی ہیں اور لا تعداد لوگ عمر بھر کیلئے معذوری کا شکار ہو رہے ہیں شاہراؤں پر رونما ہونے والے ان حادثات کی ایک بڑی تعداد مناسب احتیاطی تدابیر ،آگاہی اور حفاظتی اقدامات نہ ہونے اور لاپرواہی برتنے کے باعث وقو ع پذیر ہوتے ہیں ان حادثات کی روک تھام کے سلسلہ میں آپ سب لوگ احتیاطی تدابیر پر عمل پیرا ہوکر کلیدی کردار ادا کرسکتے ہیں انہوں نے مزید کہا عوام 1124پٹرولنگ پولیس ہیلپ لائن پر رابطہ کرکے روڈ کے متعلقہ شکایات درج کروائیں ان کو فوری طورپر حل کیا جائے گااور روڈ پر دہشت گرد،جرائم پیشہ عناصر پر کڑی نظر رکھیں کسی بھی مشکوک شخص کو دیکھ کر فوری طور پر 1124پر اطلاع دے کر اپنا قومی فریضہ انجام دیں ۔
