فاروق آباد: پاکستان مسلم لیگ (ن) کے صوبائی پارلیمانی سیکرٹری چوہدری سجاد حیدر گجر ایم پی اے نے صحافیوں سے گفتگو کرتے ہوئے کہا کہ حکومت کو دہشت گردی سمیت بہت سے مسائل کا سامنا ہے عوام نے جس طرح نواز شریف پر اعتماد کرتے ہوئے پاکستان مسلم لیگ (ن) کو کامیابی دلائی ہم اُن کے اعتماد کوٹھیس نہیں پہنچائیں گے اور انشاء اللہ عوام سے کئے ہوئے ہر وعدے کو پورا کریں گے اور اپنے ملک کو ان مسائل سے نکالیں گے بہت جلد وہ دن آئے گا جب ہم کشکول کو توڑتے ہوئے اپنے پیروں پر کھڑے ہوں گے دہشت گردی کے حوالے سے بات کرتے ہوئے چوہدری سجاد حیدر گجرنے کہا کہ یہ ملک اور اسلام دشمنوں کی گہری سازش ہے جو بہت جلد سامنے آئے گی اور دہشت گردی میں ملوث تمام عناصر کو کیفرِکردار تک پہنچایا جائے گا اس حوالے سے پاک فوج ،حکومت ا ور تمام سیاسی جماعتیں ایک صف میں موجود ہیں۔