فاروق آباد: ملک میں وہی سیاسی جماعت اقتدار میں آئے گی جو حقیقی معنوں میں عوام کی خدمت کو اپنا طرہ امتیاز بنائے گی۔ان خیالات کا اظہار پاکستان تحریک انصاف کے صوبائی جوائنٹ سیکرٹری چوہدری محمد عثمان ورک نے میڈیا سے گفتگو کرتے ہوئے کیا۔ انہوں نے کہا کہ عوام کے ووٹوں سے منتخب ہوکر اسمبلیوں میں جانے والے نمائندوں نے پچھلے 66 برسوں سے پاکستان کے عوام کو ہمیشہ مایوس اور ناامید کیا ہے جس کی وجہ سے اب عوام کا ان پر اعتبار اٹھ چکا ہے تحریک انصاف کے چیئرمین عمران خان کی 17 برسوں کی جدوجہد ملک میں کرپٹ اور فرسودہ نظام کا خاتمہ اور عوام کے مسائل ان کی دہلیز پر حل کرنا وطن عزیز کو دہشت گردی سمیت دیگر سنگین مسائل سے چھٹکارا دلانے سے عبارت ہے۔ انہو ں نے مزید کہاکہ حکومت جوڈیشل کمیشن کے معاملہ میں سنجیدہ نہ ہے جس کی وجہ سے مذاکرات اور حکومت کے ساتھ معاملات تعطیل کا شکار ہوسکتے ہیں تحریک انصاف نے ملک وقوم کے وسیع تر مفاد اور ملکی اتحاد کی خاطر دھاندلی کے خلاف اپنی جدوجہد کو ختم کیا اگر حکومت نے لیت ولعل سے کام لیا تو تحریک انصاف ایک مرتبہ پھر اپنے حقوق کے حصول کیلئے چیئرمین تحریک انصاف عمران خان کی قیادت میں سڑکوں پر ہوں گے ۔

QR Code: